جميله وحلوه سمحة زي
وابوك مرتاح وعندو قروش
ودايره تحيه منّى انا ؟؟
انا الغلبان وزول مربوش
انا السافرت لبلاد برّه ..كايس الغربه
جيت مكشوش
تراب الخيبه كال خشمى ..وحسّي من العويل مربوش
أشوفك ساى تصن اضني
يموت الحيل وراسي يدوش
اقوم اديك تحيه عشان يجينى الرّد من البرطوش
بخاف يا انتى قلبى رهيف
وما بستحمل الشاكوش
لأنك انتى ما من توبنا
يا حنكوشه بت حنكوش
لأن الفرق بينّا كبير
فرق طاقيه لى طربوش
سكنكم انتوا فيلاّ انيقه
ترقش فوق سطوحها دشوش
ونحنا سكنّا أوضه صغيره
بس مترين اظنّو الحوش
بتاكلى بيرقراً طاعم كمان وتحلّى ماكنتوش
ونحنا نجوط ونتشاكل
على صحناً مستّف بوش
اذا شمّينا كشنه فى يوم
نضج ونهيج كأنو وحوش
نقوم طيران على الجيران
وندخل توووووووووووش
بلا استئذان ..وناكل حتى لو قرقوش
دايره تحيّه منّى انا ؟؟؟
بخاف يا انتى
قلبى رهيف
وما بستحمل الشاكوش
وابوك مرتاح وعندو قروش
ودايره تحيه منّى انا ؟؟
انا الغلبان وزول مربوش
انا السافرت لبلاد برّه ..كايس الغربه
جيت مكشوش
تراب الخيبه كال خشمى ..وحسّي من العويل مربوش
أشوفك ساى تصن اضني
يموت الحيل وراسي يدوش
اقوم اديك تحيه عشان يجينى الرّد من البرطوش
بخاف يا انتى قلبى رهيف
وما بستحمل الشاكوش
لأنك انتى ما من توبنا
يا حنكوشه بت حنكوش
لأن الفرق بينّا كبير
فرق طاقيه لى طربوش
سكنكم انتوا فيلاّ انيقه
ترقش فوق سطوحها دشوش
ونحنا سكنّا أوضه صغيره
بس مترين اظنّو الحوش
بتاكلى بيرقراً طاعم كمان وتحلّى ماكنتوش
ونحنا نجوط ونتشاكل
على صحناً مستّف بوش
اذا شمّينا كشنه فى يوم
نضج ونهيج كأنو وحوش
نقوم طيران على الجيران
وندخل توووووووووووش
بلا استئذان ..وناكل حتى لو قرقوش
دايره تحيّه منّى انا ؟؟؟
بخاف يا انتى
قلبى رهيف
وما بستحمل الشاكوش
